युनिकोड
कर्तव्य ज्यान मुद्दामा एक वर्ष कैद र १० हजार रुपैयाँ जरिवाना तोकिएका फरार प्रतिवादी साहजिम मियाँ अन्सारी पक्राउ परेका छन्।
जिल्ला पर्सा वीरगञ्ज महानगरपालिका-७ अलौ निवासी २५ वर्षीय अन्सारीलाई बिहीबार बिहान विशेष सूचनाका आधारमा प्रहरीले पक्राउ गरेको हो।
जिल्ला प्रहरी कार्यालय पर्साका अनुसार अन्सारी २०७८ साल बैशाख ३ गते आफ्नी २२ वर्षीया श्रीमती रबिना खातुनलाई दाइजोको विषयमा विवाद भएपछि कुटपिट गरी हत्या गरेको घटनामा संलग्न थिए।
घटनापछि फरार रहेका अन्सारीलाई प्रहरीले वीरगञ्ज महानगरपालिका-१७ अलौस्थित आफ्नै घरबाट नियन्त्रणमा लिएर पक्राउ गरेको जनाएको छ।
संबन्धित अदालतबाट कर्तव्य ज्यान मुद्दामा दोषी ठहर भई उनलाई एक वर्ष कैद र १० हजार रुपैयाँ जरिवाना सजाय तोकिएको थियो।
पक्राउ परेका अन्सारीलाई आवश्यक कानुनी प्रक्रिया पूरा गरी पर्सा जिल्ला अदालतमा पेश गर्ने तयारी भइरहेको प्रहरीले जनाएको छ।
प्रतिक्रिया