युनिकोड
लुम्बिनी प्रदेशका मुख्यमन्त्री लिला गिरिले आफ्नो प्रमुख राजनीतिक सल्लाहकारमा दधिराम न्यौपानेलाई नियुक्त गरेका छन्।
प्रदेश सरकारका कामहरुमा राजनीतिक समन्वय र आवश्यक सल्लाह लिने गरी गिरिले न्यौपानेलाई प्रमुख सल्लाहकारमा नियुक्त गरेको मुख्यमन्त्रीको सचिवालयले जनाएको छ।
न्यौपाने एमालेमा पोलिट्व्युरो सदस्य साथै प्रदेशको सहइन्जार्ज पनि हुन्। गत मंसिर ४ गतेको चुनावमा न्यौपाने रुपन्देही क्षेत्र नम्बर १ ख बाट प्रदेश सांसदमा पराजित भएका थिए।
उनी अघिल्लो पटक यही क्षेत्रबाट नेकपा माओवादी केन्द्रबाट सांसद बनेका थिए। लामो समय माओवादी केन्द्रमा रहेका न्यौपाने सर्वोच्च अदालतको तत्कालिन नेकपा (नेकपा) बाट एमाले र माओवादीलाई अलग गर्ने आदेशपछि एमाले रोजेका थिए।
एमाले संसदीय दलका नेतासमेत रहेका गिरिले प्रदेश सभाको लागि प्रमुख सचेतक र सचेतक पनि चयन गरेका छन्।
प्रमुख सचेतकमा सांसद तुलसी चौधरीलाई चयन गरेका छन्। चौधरी रुपन्देही ३ क का प्रदेश सांसद हुन्।
त्यस्तै समानुपातिक सांसद रेखाकुमारी शर्मा सचेतक भएकी छन्।
प्रतिक्रिया