युनिकोड
हामी विद्यार्थीका मागका बारेमा हाम्रो सामुदायिक क्याम्पसको प्रशासन टसमस नभएपछि हामी ताला लगाउने निष्कर्षमा पुग्यौं।
भोलिपल्ट बिहान क्याम्पस गेटमा हाम्रोसहित पाँचवटा ताला झुण्डिएका रहेछन्।
क्याम्पसका कर्मचारीको तलबसुविधाको कुरा रहेछ; एउटा ताला तिनको रहेछ।
क्याम्पसका प्राध्यापकहरू एक्स्ट्रा क्लासको दररेटका बारेमा आन्दोलित रहेछन्; अर्को तालाको चाबी तिनीहरूसँग रहेछ।
ठेकदारको पुरानो हिसाबकिताब बाँकी रहेछ; त्यसले पनि यही मेसोमा मौका छोपेको रहेछ।
यी सबै थिए- सामान्य ताला।
एउटा ताला चै जब्बर रहेछ– हत्पत् खोल्नै नसकिने खालको। यही तालाको चाबी हामी कसैमा भेटिएन। ताला खोल्न बजारको नामुद मिस्त्रीलाई बोलाइयो।
उसले भन्यो- 'यो हाम्रा पसलमा पाइने ताला नै होइन; म सक्दिनँ।'
यो ताला कसको हो भन्ने पनि खुलेको थिएन।
पछि बुझियो– हाम्रो आन्दोलनमा छिमेककै अर्को क्याम्पसले ऐक्यबद्धता जनाएको रहेछ।
प्रतिक्रिया