नुहाउनु स्वास्थ्यको लागि निकै राम्रो कुरा हो। यद्यपि नुहाउने बानीले पनि हाम्रो समग्र स्वास्थ्य र पाचन प्रणालीमा पनि असर पारिरहेको हुन्छ।
भारतीय डाइटिसियन गरिमा गोयल भन्छिन्, ‘हाम्रो शरीरले निकै जटिलरुपमा काम गर्छ र हाम्रो सबै गतिविधिको त्यसैअनुसारको परिणाम पनि देखिन्छ। जसमध्येको एउटा नुहाउने बानी पनि हो।
यहाँ नुहाउँदा ध्यान दिनुपर्ने केही कुरा उल्लेख गरिएको छ –
–नुहाउनुअघि एक गिलास पानी खानु
विशेषज्ञहरुका अनुसार तातो वा मानतातो एक गिलास पानी नुहाउनुअघि खानाले रक्तचाप घटाउनेलगायतका समस्या समाधानको लागि सहयोग गर्छ। केही तातो पानी खानाले शरीरको नसा केही फुक्छ र यसले नसाबाट धेरै रगत बग्न सहज हुन्छ। जसले गर्दा रक्तचाप पनि केही कम हुन सक्छ।
– टन्न खाना खाएर ननुहाउनु
– घाम अस्ताएपछि नुहाउनु
घाम अस्ताएपछि हाम्रो शरीर बिस्तारै चिसो हुन थाल्छ। यसको अर्थ सुत्ने समय सुरु हुन्छ भन्ने हो। बेडमा जानुअघि नुहाउने बानीले रातको समयमा शरीरको तापक्रम बढाउने कार्यमा अवरोध सिर्जना गर्छ। यसले मानिसको निद्रामा समेत असर पार्छ।
नुहाउँदा बिरामी, बालबालिका र बिरामीबाहेक सामान्य मानिसले कोठाको जतिकै तापक्रम भएको पानीले नुहाउनु राम्रो हुन्छ। जसले शरीरमा रक्त प्रवाहलाई पनि सही गर्न सजिलो गर्छ।
Shares
प्रतिक्रिया