पानीफोटोको टिजरमा छोरो खोज्दै हिँडेका बाबुआमाको कथा

खगेन्द्र लामिछानेले निर्देशन गरेको चलचित्र ‘पानीफोटो’को टिजर सार्वजनिक भएको छ।

आगामी साउन १३ बाट प्रदर्शनको तयारीमा रहेको चलचित्रको टिजरमा छोरो खोज्दै हिँडेका बाबु–आमाको कथा समेटिएको छ।

बाबु–आमाको भूमिकामा अनुप बराल र मेनुका प्रधानलाई देख्न सकिन्छ। चलचित्रमा खगेन्द्र लामिछाने र मलिका महतले पनि शीर्ष भूमिकामा अभिनय गरेका छन्। 

टुकी आर्टस्को प्रस्तुति र मञ्जुश्री फिल्म प्रोडक्शनको सहकार्यमा तयार भएको चलचित्रमा खगेन्द्रकै लेखन, रोजिना सिटौला र रविन्द्र बज्रचार्यको लगानी, दिपक बज्रचार्यको छायांकन र निमेष श्रेष्ठको सम्पादन रहेको छ। 

यो चलचित्र खगेन्द्रलेनै निर्देशन गरेको नाटक ‘पानी फोटो’बाट निर्माण गरिएको हो।