युनिकोड
राष्ट्रिय सभाका १८ सदस्य चुन्न आगामी माघ ११ गते चुनाव हुँदै छ।
यसैबीच राष्ट्रिय सभाका लागि कोसी प्रदेशबाट ३ सदस्य चुनिने कोसी प्रदेश निर्वाचन कार्यालयले जानकारी दिएको छ।
कार्यालयका अनुसार कोसीबाट महिला, दलित र अन्य गरी ३ जना राष्ट्रिय सभा सदस्य बन्ने छन्।
राष्ट्रिय सभा निर्वाचनका लागि कोसीमा प्रदेश सांसद ९३ र स्थानीय तहका प्रमुख-उपप्रमुख गरी २७४ जना मतदाता छन्।
यसपटक राष्ट्रिय सभा निर्वाचनमा मतभार बढेको छ।
प्रदेश सभा सदस्यको एक सांसदको मतभार ५३ पुगेको छ भने स्थानीय तहका प्रमुख-उपप्रमुखको मतभार १९ पुगेको निर्वाचन आयोगले जनाएको छ।
कोसी प्रदेशको कुल मतभार १० हजार १३५ हो, जसमा सांसदको ४ हजार ९२९ र स्थानीय तहका प्रमुख-उपप्रमुखको ५ हजार २०६ मतभार छ।
आगामी फागुन २० गतेदेखि रिक्त हुने राष्ट्रिय सभाका १८ सिटमा कोसीबाट ३, मधेसबाट ४, बागमतीबाट २, गण्डकीबाट २, लुम्बिनीबाट ३, कर्णाली र सुदूरपश्चिम प्रदेशबाट २/२ जना सदस्य चुनिने छन्।
प्रतिक्रिया