युनिकोड
झापाको दमक नगरपालिका-४ स्थित चियाबगान क्षेत्रनजिकै पूर्वपश्चिम राजमार्गमा आज बिहान बसले साइकललाई ठक्कर दिँदा ६० वर्षका पुरुषको मृत्यु भएको छ।
प्रहरीका अनुसार बिहान ६:४५ बजेतिर उर्लाबारीबाट दमकतर्फ आउँदै गरेको प्रदेश नं. १–०१–००१ ख ४३६३ नम्बरको बसले दमकबाट ताराबारीतर्फ जाँदै गरेका साइकललाई ठक्कर दिँदा साइकलमा सवार दमक–४ घरघरे निवासी ६० वर्षीय सोमबहादुर विक गम्भीर घाइते भएका थिए।
दमक अस्पताल लगिएका उनलाई उपचारका क्रममा बिहान ७:२८ बजे चिकित्सकले मृत घोषणा गरेकाे प्रहरीले जनाएको छ। शव त्यही अस्पतालमा छ।
ठक्कर दिएको बस र चालक मकवानपुर, हेटौँडा उपमहानगरपालिका–७ निवासी ४७ वर्षीय राजेन्द्र गौतमलाई इलाका प्रहरी कार्यालय (दमक) ले नियन्त्रणमा लिएको छ।
प्रतिक्रिया