युनिकोड
साउदी अरेबियाको रक्षा मन्त्रालयले रियादस्थित अमेरिकी दूतावासमा दुई ड्रोनले आक्रमण गरेको पुष्टि गरेको छ।
दूतावासले सामाजिक सञ्जाल प्लेटफर्म एक्समा विज्ञप्ति जारी गरी आक्रमणबाट हल्का आगलागी भएको र भवनमा सामान्य क्षति पुगेको बताएको छ।
साउदी अरेबियास्थित अमेरिकी मिसनले जेद्दा, रियाद र धहरानका बासिन्दालाई घरमै सुरक्षित रहन सल्लाह दिएको छ।
यसअघि सोमबार कुवेतस्थित अमेरिकी दूतावासबाट वा नजिकै धुवाँ उडिरहेको देखिएको थियो।
यसपछि दूतावासले बासिन्दाहरूलाई दूतावासमा नआउन र घरमै सुरक्षित रहन सल्लाह दिएको थियो।
इजरायल र अमेरिकाले शनिबार इरानमा आक्रमण गरेपछि इरान र इजरायलले एकअर्कामाथि आक्रमण जारी राखेका छन्।
इरानले मध्यपूर्वमा रहेका अमेरिकी सैन्य अड्डाहरूलाई पनि निसाना बनाइरहेको छ।
प्रतिक्रिया