युनिकोड
उत्तरी र मध्य गाजामा इजरायलले शनिबार गरेको हवाई आक्रमणमा कम्तीमा २२ प्यालेस्टिनी मारिएका छन्।
बीबीसीका अनुसार हमासका मेडिकल तथा नागरिक रक्षा अधिकारीले यो जानकारी दिएका हुन्।
अधिकारीहरूले शनिबार आवासीय क्षेत्रसहित पाँच स्थानमा इजरायलले आक्रमण गरेको बताएका छन्।
स्थानीय स्रोतहरूले मारिएकामा हमासका एक वरिष्ठ कमान्डर पनि रहेको जनाएका छन्।
इजरायली सेनाले भने एक सशस्त्र व्यक्तिले गाजा पट्टीको पहेँलो रेखा पार गरेर इजरायल-नियन्त्रित क्षेत्रमा प्रवेश गरेर सैनिकहरूमाथि गोली चलाएको दाबी गरेको छ।
तर हमासले यो आरोप अस्वीकार गरेको छ।
दुवै पक्षले ६ हप्ताअघि भएको युद्धविराम सम्झौता उल्लंघन गरेको आरोप एकअर्कालाई लगाएका छन्।
गाजा स्वास्थ्य मन्त्रालयले युद्धविराम लागु भएपछि पनि इजरायलले गरेको आक्रमणमा ३१० भन्दा बढी प्यालेस्टिनी मारिएको बताएको छ।
प्रतिक्रिया