युनिकोड
रुसी राष्ट्रपति भ्लादिमिर पुटिनले डोनाल्ड ट्रम्पका विशेष दूत स्टिभ विट्कोफसँग बुधबार क्रेमलिनमा भेट गरेका छन्।
ट्रम्पले रुसलाई युद्धविरामका लागि तयार हुन शुक्रबारसम्म अल्टिमेटम दिएका छन्। अन्याथा नयाँ प्रतिबन्धहरु लगाउने उनको धम्की छ।
विट्कोफलाई पुटिननिकट रुसी अधिकारी किरिल दिमित्रिएवले विमानस्थलमा स्वागत गरेका थिए। लगत्तै उनी क्रेमलिन पुगेका थिए।
युद्धविरामका लागि अमेरिकाले जोडबल लगाइरहँदा पनि त्यसतर्फ प्रगति हुन सकिरहेको छैन। त्यसकारण ट्रम्पले पुटिनप्रति आक्रोश पोख्न थालिरहेको बेला यो भ्रमण भएको हो।
अर्कोतिर युक्रेनी सहरहरुमा रुसी आक्रमण झनै भीषण भइरहेको छ।
युद्धविरामको प्रयासमा विट्कोफले फेब्रुअरीयता चारपटक पुटिनलाई भेटिसकेका छन्।
पुटिनले भने अमेरिकी निराशालाई खारेज गरेका छन्।
‘निराशाको कुरा गर्ने हो भने हरेक निराशा अत्यधिक अपेक्षाका कारण उत्पन्न गर्छ,’ पुटिनले अगस्ट १ मा भनेका छन्। एजेन्सी
प्रतिक्रिया