युनिकोड
बंगलादेश नेसनल पार्टीकी अध्यक्ष तथा पूर्वप्रधानमन्त्री खालिदा जिया लगभग चार महिनापछि मे ५ मा बंगलादेश फर्कंदै छिन्।
उनी मे ४ मा आफ्ना दुई बुहारीसँग लन्डनबाट बंगलादेश प्रस्थान गर्नेछिन्।
उनका निजी चिकित्सक तथा पार्टीको स्थायी समिति सदस्य जाहिद हुसेनले बीबीसी बंगलालाई बताएअनुसार जियाको उपचार शुक्रबारसम्ममा पूरा हुनेछ।
खालिदा जिया जनवरी ७ मा कतारी अमिरको एअर एम्बुलेन्सबाट लन्डन पुगेकी थिइन्।
जिया लगभग ७९ वर्षकी भइन्। उनी कलेजो सिरोसिस, मिर्गौला समस्या र मुटु रोग लगायत विभिन्न जटिल रोगबाट पीडित हुन्। उनलाई लन्डनको एक क्लिनिकमा भर्ना गरिएको थियो।
प्रतिक्रिया