युनिकोड
रुसका राष्ट्रपति भ्लादिमिर पुटिनले युक्रेनमा युद्धविरामका लागि आफू तयार रहेको बताउँदै कठिन सर्त राखेका छन्।
उनका अनुसार विवादको एउटा क्षेत्र कुर्स्क हो, जहाँ युक्रेनले गत वर्ष सैन्य आक्रमण गरी केही भाग कब्जा गरेको थियो।
तर रुसले कुर्स्कलाई पूर्ण रूपमा नियन्त्रणमा लिएको र युक्रेनी सेनालाई तितरबितर पारिसकेको पुटिनको भनाइ छ।
उनले अगाडि भने, ‘युक्रेनलाई कुर्स्कमा दुई विकल्प छन्। कि आत्मसमर्पण गर्ने कि मर्ने!’
यसअघि युक्रेनले अमेरिकासँगको वार्तामा ३० दिनका लागि युद्धविराम गर्ने योजनामा सहमति जनाएको छ।
अब अमेरिकामा यसमा रुसलाई सहमत गराउन चाहन्छ। यस क्रममा अमेरिकी वार्ता टोली रुस गएको पनि बताइएको छ।
बिहीबार मस्कोमा आयोजित पत्रकार सम्मेलनमा राष्ट्रपति पुटिनले युद्धविरामबारे भने, ‘यो विचार सही छ। हामी यसलाई समर्थन गर्छौं। तर, त्यहाँ केही प्रश्न छन् जुन हामीले छलफल गर्न आवश्यक छ।’
पुटिनले थपे, ‘हामीले हाम्रा अमेरिकी सहयोगीहरूसँग वार्ता गर्नुपर्छ। सायद म डोनाल्ड ट्रम्पसँग कुरा गर्नेछु।’
यसैबीच युक्रेनका राष्ट्रपति भोलोदिमिर जेलेन्स्कीले राष्ट्रपति पुटिनको योजनालाई ‘षड्यन्त्रपूर्ण’ भनेका छन्।
उनले रुसविरुद्ध थप प्रतिबन्ध लगाउन माग गरेका छन्।
अमेरिकाले रुसविरुद्ध तेल, ग्यास र बैंकिङ क्षेत्रमा थप प्रतिबन्ध लगाएको छ। बीबीसी
प्रतिक्रिया