कोरोनाबाट बेलायतमा पहिलो मृत्यु, ११६ संक्रमित

कोरोना भाइरस (कोभिड-१९) संक्रमणबाट बेलायतमा पहिलो व्यक्तिको मृत्यु भएको छ।

कोरोना संक्रमण देखिएपछि उपचार गराइरहेकी एक ७० वर्षीया महिलाको मृत्यु भएको बेलायतका स्वास्थ्य अधिकारीले पुष्टि गरेका बीबीसीले जनाएको छ।

कोरोनाको संक्रमण देखिएपछि ती महिला गएको बुधबार अस्पताल भर्ना भएकी थिइन्। बेलायतमा कोरोना संक्रमितको संख्या एक सय १६ पुगेको छ।

बेलायती प्रधानमन्त्री बोरिस जोनसोनका आधिकारिक प्रवक्ताले भने बेलायतमा पनि भाइरस तीव्र रुपमा फैलिरहेको बताएका छन्।

पछिल्लो २४ घन्टामा मात्रै बेलायतमा कोरोनाबाट ३० जना संक्रमित भएका छन्।

कोरोना भाइरस संक्रमणबाट अहिलेसम्म विश्वमा ३२ सयभन्दा धेरैको मृत्यु भइसकेको छ। ९० हजारभन्दा धेरै संक्रमित छन्।