युनिकोड
पश्चिम बंगालको हावडास्थित एक सरकारी अस्पतालका ल्याब प्राविधिकलाई पक्राउ गरिएको छ।
ती ल्याब प्राविधिकले एक नाबालिगलाई सीटी स्क्यान गर्दा दुर्व्यवहार र बलात्कारको प्रयास गरेको आरोप लागेको छ।
यो घटना शनिबार राति भएको बताइएको छ, त्यसपछि पीडित परिवारले अस्पतालमा हंगामा मच्चाएको छ।
सिटि स्क्यान ल्याबबाट नाबालिग रोएर बाहिर निस्कँदा आरोपितले उनी र उनको परिवारलाई धम्की दिएर प्रहरीमा नजान चेतावनी दिएको परिवारका सदस्यले प्रहरीलाई बताए।
यो घटना सार्वजनिक भएपछि आइतबार बिहानैदेखि विभिन्न राजनीतिक दलका व्यक्तिले अस्पतालमा हंगामा मच्चाएका थिए र आरोपितलाई पक्राउ गर्न माग गरेका थिए।
यसैबीच पश्चिम बङ्गाल प्रहरीले विज्ञप्ति जारी गर्दै आरोपितलाई पक्राउ गरिएको र घटनाको अनुसन्धान जारी रहेको जनाएको छ।
प्रतिक्रिया