बेलायतका विदेशमन्त्री लर्ड क्यामरुनले बेलायती हतियार कसरी प्रयोग गर्ने भन्ने युक्रेनले आफैँ निर्णय गर्ने बताएका छन्।
क्यामरुनले युक्रेनसँग रुसी भूमिमा आक्रमण गर्ने अधिकार रहेको जिकिर पनि गरे।
युक्रेन भ्रमणका क्रममा विदेशमन्त्री क्यामरुनले बेलायतले युक्रेनलाई आवश्यक परेसम्म हरेक वर्ष तीन अर्ब युरो सहयोग गर्ने दाबी गरे।
क्यामरुनले भने, ‘रुसले युक्रेनी भूमिमा आक्रमण गरिरहेको छ। युक्रेनले आफूलाई बचाउन के गर्नुपर्छ भनेर तपाईं बुझ्न सक्नुहुन्छ।’
रुसले भने यसको आलोचना गर्दै यसलाई ‘अर्को खतरनाक बयान’ भनेको छ।
क्रेमलिनका प्रवक्ता दिमित्री पेस्कोभले भने, ‘यो सिधै युक्रेन आसपास तनाव बढाउनु हो र यसले युरोपकै सुरक्षालाई खतरामा पार्न सक्छ।’
हालै अमेरिकी संसद्ले पनि युक्रेनलाई ६१ अर्ब डलर बराबरको सैन्य सहायता दिने प्रस्ताव पारित गरेको छ।
Shares
प्रतिक्रिया