इन्धनको मूल्यमा भएको वृद्धिका कारण अधिकांश अस्ट्रेलियनले निजी सवारी साधन कम चलाउने गरेको एक सर्वेक्षणले देखाएको छ।
स्वतन्त्र गैरसरकारी संस्था क्लाइमेट काउन्सिलले प्रकाशित गरेको सर्वेक्षणअनुसार ७१ प्रतिशत अस्ट्रेलियनले इन्धनको मूल्य बढेसँगै आफ्नो ड्राइभिङ खर्च घटाउने कदम चालेका हुन्।
जसमा गाडी कम चलाउने, सवारी साधनको मर्मतसम्भारमा कटौती गर्ने र बिदा मनाउन बेवास्ता गर्ने लगायतका कदम चालेका छन्।
अक्टोबरमा अस्ट्रेलियन ब्युरो अफ स्ट्याटिस्टिक्सले अटोमोटिभ इन्धनको बढ्दो लागतलाई मुद्रास्फीतिको सबैभन्दा ठूलो चालकको रूपमा पहिचान गरेको थियो।
जुन जुलाई र सेप्टेम्बरको बीचमा २०२३ को तेस्रो त्रैमासिकमा औसत ७.२ प्रतिशतले बढेको थियो।
संघीय सरकारले अप्रिलमा आफ्नो इलेक्ट्रिक भेहिकल (इभी) रणनीतिमा कम उत्सर्जन गर्ने सवारी साधनको बिक्रीलाई प्रोत्साहन गरेको थियो। -सिन्ह्वा
Shares
प्रतिक्रिया