युनिकोड
पाकिस्तानका विभिन्न क्षेत्रमा वर्षाका कारण पछिल्लो २४ घण्टामा १४ जनाको मृत्यु भएको छ। अन्य ६ जना घाइते भएको अधिकारीहरूले सोमबार जानकारी दिएका छन्।
पूर्वी पञ्जाव प्रान्तको नारोवाल जिल्लाका उपायुक्त मुहम्मद अशरफका अनुसार आइतबार राति आँधीको समयमा जिल्लामा चट्याङका कारण ६ जनाको ज्यान गएको हो।
यसैगरी राजधानी इस्लामाबादको उपनगरमा रहेको शहजाद टाउन क्षेत्रमा आइतबार राति घरको छाना खस्दा ३ जनाको र प्रदेशका अन्य ठाउँमा थप ९ जनाको मृत्यु भएको बताइएको छ।
प्रान्तीय राजधानी लाहोरका स्थानीय अधिकारीहरूले मुसलधारे वर्षापछि सोमबार बिहान मध्यमस्तरको बाढी आएको र ९० प्रतिशत विद्युत् सेवा अवरुद्ध भएको जनाएका छन्।
प्रि-मनसुन वर्षाले सोमबार बिहान देशको उत्तरपश्चिमी खैबर पख्तुनख्वा र दक्षिणपश्चिम बलुचिस्तान प्रान्तहरूमा पनि असर गरेको थियो।
प्रतिक्रिया