युनिकोड
अमेरिकाको टेक्सासस्थित एक घरमा होन्डुरसका ८ वर्षीय बालकसहित पाँच जनाको गोली हानी हत्या भएको छ।
एआर १५ बन्दुकले बन्दुकधारीले गोली हानेको प्रहरीको प्रारम्भिक अनुसन्धानले बताएको छ।
८ वर्षीय बालकलाई परिवारका सदस्यले सुताउने प्रयास गरिरहेका थिए। त्यहीबेला स्थानीय समयअनुसार राति ११:३० बजेतिर अचानक गोली चलेको बताइएको छ।
गोली लागेपछि पाँच जनाको घटनास्थलमै र बाँकी ३ जनाको उपचारका क्रममा मृत्यु भएको हो।
गोली लागेर मृत्यु हुनेमा एक बालक र दुई महिलासहित ८ देखि ४० वर्ष उमेर समूहका छन्।
सबैलाई टाउकोदेखि खुट्टासम्म पटकपटक गोली हानेको बताइएको छ।
हत्याको कारण नखुलेको र संदीग्धका रूपमा ३८ वर्षीय फ्रान्सिको ओरोपेजा खोजी भइरहेको छ। सान ज्याकिन्टो काउन्टीले एफबीआईको सहयोगमा उनको खोजी गरिरहेको छ।
बन्दुकधारीको पहिचान भइसकेको र खोजी कार्य भइरहेको त्यहाँको स्थानीय प्रहरीलाई उद्धृत गर्दै एबीसीन्यूजले जनाएको छ।
प्रतिक्रिया