युनिकोड
रुसले सोमबार युक्रेनका केही महत्वपूर्ण केन्द्रमा आक्रमण गरेसँगै राजधानी सहर किभका मानिसहरु पानीको लागि लामो लाइनमा बसेका छन्।
सोमबार साँझ एक अपडेट दिँदै किभका मेयर भाइटाली क्लित्स्कोले किभका ४० प्रतिशत उपभोक्ताले पानी नपाएको र दुई लाख ७० हजार घरको विद्युत् आपूर्ति बन्द भएको बताएका छन्।
युक्रेनका अनुसार मुलुकभर भएको आक्रमणमा परी १३ जना मानिसहरु घाइते भएका छन्। रुसले भने यो आक्रमण युक्रेनको सैन्य नियन्त्रण र ऊर्जा प्रणालीलाई लक्षित गरी गरिएको बताएको छ।
युक्रेनको सेनाले भने रुसबाट आएको ५५ मध्ये ४५ मिसाइल खसालिएको बताएको छ। पछिल्लो केही समययता रुस–युक्रेन युद्ध थप चर्किएको छ।
प्रतिक्रिया