युनिकोड
अफगानिस्तानका नागरिकलाई अहिले नै मानवीय सहायताको खाँचो रहेको जी २० बैठकमा सहभागीले जोड दिएका छन्।
अफगानिस्तानका विषयमा भएको जी २० को जुम बैठकपछि पत्रकारसँग कुराकानी गर्दै इटालीका प्रधानमन्त्री मारिओ ड्राघीले यो जानकारी दिएका हुन्।
‘हामीले अफगानिस्तानको अवस्थालगायत धेरै विषयमा कुराकानी गरेका छौँ, मलाई लाग्छ त्यहाँको अवस्था अहिले नै नाजुक छ, धेरै नागरिकलाई मानवीय सहायताको खाँचो छ।’
इटालीले अफगानिस्तानको विषयलाई लिएर जी२० का सदस्य राष्ट्रहरुको जुम बैठक आयोजना गरेको थियो । सो बैठकमा जी२० का सबै देशका सरकार तथा राज्य प्रमुखहरु सहभागी थिए।
अफगानिस्तानमा विद्रोह गरिरहेका तालिबानीहरुले गत महिना त्यहाँको सत्ता हत्याएका थिए । त्यसपछि त्यहाँबाट अमेरिकी सेना फिर्ता भएको छ भने विश्वका देशहरुले पनि अफगानिस्तानमा दिने सहायता रोकेका छन्।
यसै कारणले अफगानिस्तानको आर्थिक अवस्था नाजुक बन्दै गएको छ। त्यहाँका बालबालिका बढी संकटमा छन्। एजेन्सी
प्रतिक्रिया