पूर्वी अफगानिस्तानमा अज्ञात बन्दुकधारलिे तालिबानका दुई लडाकु र एक नागरिकलाई गोली हानेर हत्या गरेको छ।
गत महिना तालिबानले कब्जा गरेयता अफगानिस्तानमा यस्तो आक्रमण शृंखलाको यो पछिल्लो घटना हो।
बीबीसीका दक्षिण एसिया सम्पादक जिल मेक्गिभरिङको रिपोर्टअनुसार घटनाका प्रत्यक्षदर्शीले केही हतियारधारी व्यक्ति एउटा गाडीमा जलालाबादस्थित तालिबानको चौकीनजिक आएर गोली हानेका थिए।
बीबीसीका अनुसार तालिबानका अधिकारीले पनि यो घटनाको पुष्टि गरेको छ, तर उनीहरूले मारिएका सबै सर्वसाधारण नागरिक भएको दाबी गरेको छ।
जलालाबाद नन्गरहार प्रान्तको राजधानी हो, जुन इस्लामिक अतिवादी संगठन इस्लामिक स्टेट (आईएस) को ठूलो गठन मानिन्छ।
२० वर्षको लडाइँपछि दोस्रोपटक अफगानिस्तानको सत्तामा पुग्न सफल तालिबानलाई अहिले सबैभन्दा ठूलो चुनौती आईएस बनेको छ।
यो पनि : अफगानिस्तानमा जुर्मुराउँदै इस्लामिक स्टेट, धरापमा तालिबान सरकार
Shares
प्रतिक्रिया