कर्मा, छुल्ठिम र सुष्मालाई लिएर फिल्म ‘फटाह फणिन्द्रे’को घोषणा

अरुण खड्काको निर्माण र निर्देशनमा फिल्म ‘फटाह फणिन्द्रे’को घोषणा गरिएको छ।

फिल्ममा अभिनेता कर्मा, छुल्ठिम गुरुङ, सुष्मा कार्की र रोहित रुम्बाको मुख्य भूमिका रहने बताइएको छ।

फिल्मका लागि अन्य कलाकारहरु छनोटको क्रममा रहेको निर्माता÷निर्देशक खड्काले बताए।

श्रीराम बालाजी फिल्मस् र अरुण फिल्म प्रोडक्सनको ब्यानरमा निर्माण हुन लागेको फिल्मको प्रस्तुतकर्ता सुनिल मानन्धर रहेका छन्।

फिल्ममा उतक केसीको कथा र पट्कथा, संवाद हिमाल, उप्रेती, सुशील पोखरेल र अरुण खड्काको रहेको छ।

फिल्मको छायाँकन चैतको पहिलो साताबाट हुने बताइएको छ। विक्रम सिंह गुरुङ निर्माता र नेत्र बिष्ट कार्यकारी निर्माता रहेको फिल्ममा रोशन श्रेष्ठको द्धन्द, विपिन मल्लको सम्पादन र ईश्वरलाला सिंकेमनको छायांकन रहनेछ।