युनिकोड
बलिउड अभिनेता सैफ अली खानलाई चक्कु आक्रमण गरेको आरोप लागेका शरिफुल इस्लामको औँठाछाप (फिङ्गरप्रिन्ट) सैफको घरबाट लिइएका नमुनासँग मेल खाएन।
यही जनवरी १५ राति सैफलाई घरभित्रै कसैले चक्कुले हानेर गम्भीर घाइते बनाएको थियो। घटनामा संलग्न आरोपमा शरिफुल इस्लामलाई पक्राउ गरी प्रहरीले हिरासतमा राखेकाे छ।
भारतीय सञ्चारमाध्यमका अनुसार घटना अनुसन्धानका क्रममा मुम्बई प्रहरीले जनवरी २२ मा अभियुक्तको औँठाछाप र अन्य नमुना जाँचका लागि सीआईडी प्रयोगशालामा पठाएको थियो।
त्यसो त शरिफुलका बुवाले पनि सैफलाई आक्रमण गर्ने व्यक्ति आफ्नो छोरा नभएको दाबी गरेका थिए।
प्रतिक्रिया