बलिउड फिल्म ‘ब्याड न्युज’ आगामी शुक्रबारबाट रिलिज हुँदैछ। केही दिनअघि सेन्ट्रल बोर्ड अफ फिल्म सर्टिफिकेसनबाट यस फिल्मको सेन्सर पास गरिएको थियो।
यस फिल्ममा विक्की कौशल र तृप्ति डिमरी मुख्य भूमिकामा छन्।
प्रदर्शन अनुमति दिँदा फिल्मको केही दृश्यहरुमा सेन्सर गरेको छ। फिल्मको अडियोमा कट नगरेपनि समितिले चुम्बन गरेको तीनवटा दृश्यलाई सेन्सर गरेको छ।
फिल्ममा ९, १० र ८ सेकेन्डका तीनवटा चुम्बनका दृश्य छन्। कुल मिलाएर सीबीएफसीले २७ सेकेन्डका तीनवटा दृश्यहरु परिमार्जित गरेको छ।
रमाइलो कुरा के छ भने, कटलिस्टमा लिप लकको दृश्य परिमार्जन गर्न उल्लेख गरिएको छ। तर, फ्रेम एक पनि काटिएको छैन। अब चुम्बन दृश्यलाई कसरी परिमार्जन गरिएको छ त्यो दर्शकले फिल्म हेरेपछि थाहा पाउनेछन्।
यस फिल्ममा विक्की र तृप्तिसहित एमी विर्क र नेहा धुपियाको अभिनय छ। आनन्द तिवारीको निर्देशन रहेको फिल्मलाई धर्मा प्रोडक्सनका करण जोहर, लियो मिडिया कलेक्टिभ प्रालिका आनन्द तिवारी र अमृतपाल सिंह बिन्द्रा र अमेजन प्राइमका मनिष मेन्घानीले निर्माण गरेका हुन्।
यो फिल्म जुलाई १९ मा रिलिज हुने तयारीमा छ।
Shares
प्रतिक्रिया