चर्चित भारतीय अभिनेता सलमान खानले फिल्म ‘बीवी हो तो ऐसी’ बाट डेब्यु गरेका थिए। सन् १९८८ मा रिलिज भएको फिल्म ‘बीवी हो तो ऐसी’ मा खानको सहायक भूमिका थियो।
तर, ‘मैने प्यार किया’ बाट सलमानको खास फिल्मी करियर सुरु भयो। सन् १९८९ मा रिलिज भएको सुरज बडजात्याको फिल्म ‘मैने प्यार किया’ बक्सअफिसमा हिट भएको थियो।
हालै एक अन्तर्वार्तामा सलमानलाई मनपर्ने फिल्मको बारेमा सोधिएको थियो। उनले फ्याट्टै ‘मैने प्यार किया’को नाम लिए। साथै उनले फिल्मको सुटिङको रमाइलो किस्सा पनि सेयर गरे।
एक अन्तर्वार्तामा सलमानले चर्चित गीत ‘कबूतर जा जा’ सुटिङको क्रममा एक पलको सम्झना गरे। जुन सम्झदा उनको आँखाबाट आँसु आयो।
‘त्यतिबेला म करिब १८ वर्षको थिएँ, ‘कबूतर जा जा’ गीतको सुटिङका बेलाको सम्झना निकै रमाइलो छ। मलाई अचानक थाहा भयो कि यो मेने प्यार कियाको क्यारेक्टर मेरो लागि हो। किनकि त्यो भन्दा पहिले जहिले पनि न्यारेसन हुन्थ्यो, म यो क्यारेक्टरका लागि ज्याकी श्राफ वा अनिल कपूरको कल्पना गर्थेँ। तर, त्यतिबेला म ठूलो फिल्म गर्छु भनेर सोचेको थिइनँ। त्यो क्षण थियो जब मैले सोचें हो म यो गर्न सक्छु। त्यो बेला मेरो आँखामा आँसु थियो,’ उनले भने।
धेरै अडिसनपछि राजश्रीले ‘मैने प्यार किया’ मा मुख्य भूमिकाका लागि सलमानलाई छनोट गरेका थिए। यस फिल्ममा उनीसँगै अभिनेत्री भाग्यश्रीको पनि अभिनय थियो। जब सलमान स्टार बने। र, १९९० को दशकमा धेरै हिट फिल्महरू दिन सफल भए। भाग्यश्रीले भने आफ्नो परिवारमा ध्यान केन्द्रित गर्न केही वर्ष पछि फिल्मबाट ब्रेक लिइन्।
मैने प्यार कियाको सफलतापछि सलमानले आफ्नो अर्को हिट फिल्मका लागि केही वर्ष कुर्नुपरेको थियो। आइफा अवार्ड २०२२ को समयमा, सलमानले आफ्नो जीवनको त्यो चरणको बारेमा कुरा गरे। ‘मैने प्यार किया’ रिलिजपछि भाग्यश्रीले आफू बिहे गर्न चाहने भएकाले अब काम नगर्ने निर्णय गरिन्। अनि उनी पूरा श्रेय लिएर हिँडिन्।’
उनले अघि थप्दै भने, ‘मसँग ६ महिनासम्म कुनै फिल्म थिएन। अनि मेरो जीवनमा रमेश तौरानी नामको मानिस ‘भगवान’ सरह आए। त्यतिबेला मेरो बुबाले मलाई २ हजार रुपैयाँ दिनुभयो र निर्माता जीपी सिप्पीलाई फिल्म उद्योगको पत्रिकामा उनले मलाई फिल्ममा साइन गरेको नक्कली घोषणा गर्न मनाउनुभयो। जीपीले यो गर्यो तर कुनै चित्रहरू थिएनन्। रमेश तौरानीले सिप्पीको अफिसमा गएर फिल्मको गीतका लागि ५ लाख रुपैयाँ दिए। त्यही ५ लाख रुपैयाले नै सन् १९९१ मा ‘पत्थर के फूल’ नामको फिल्म पायो।’
Shares
प्रतिक्रिया