युनिकोड
अर्जुन कपूरकी बहिनी अंशुला कपुर यतिबेला लगातार चर्चामा छिन्। उनी फिल्मबाट टाढा भए पनि सामाजिक सञ्जालमा निकै सक्रिय रहन्छिन्। अंशुला प्रायः आफ्ना तस्बिर फ्यानसँग सेयर गर्छिन्। हालै उनले आफ्नो अफिसियल इन्स्टाग्राम अकाउन्टमा यस्तो तस्बिर सेयर गरेकी छन्, जसका कारण उनको अहिले सर्वत्र चर्चा भइरहेको छ।
अंशुलाले रोहनसँगको फोटो पोस्ट गरिन्
वास्तवमा, विगत केही दिनदेखि अंशुला आफ्नो विशेष साथी रोहन ठक्करसँग डेट गरिरहेकी छन् भन्ने अड्कलबाजी चलिरहेको थियो। अहिले उनले आफ्नो नयाँ पोस्टमार्फत यो कुरा पुष्टि गरेकी छन्। उनले सेयर गरेको तस्बिरमा उनी पानीभित्र रोहनसँग रोमान्टिक देखिएकी छन्। यो तस्बिरको साथमा अंशुलाले क्याप्सनमा ३६६ लेखेकी छिन्, जसको अर्थ दुवैले रिलेसनसिपमा रहेको एक वर्ष पूरा गरिसकेका छन्। यी तस्बिरहरू माल्दिभ्सका हुन्, जहाँ दुवैजना पोखरीमा एकअर्काको आँखामा डुबेका देखिन्छन्।
अंशुला मोना कपुरकी छोरी हुन्
पहिले अंशुला आफ्नो वजनलाई लिएर धेरै चिन्तित रहेको बताइन्छ। तर अहिले उनी पूर्ण रूपमा फिट भइसकेकी छन्। उनी बोनी कपुर र मोना कपुरकी छोरी हुन्। अंशुला बलिउड अभिनेता अर्जुन कपुरकी कान्छी बहिनी हुन्। जान्हवी र खुसी कपुर उनका सौतेनी बहिनी हुन्। अभिनेत्री श्रीदेवीको मृत्युपछि चारै भाइबहिनी प्रायः एकअर्कासँग समय बिताउने गरेको देखिन्छ।
प्रतिक्रिया