सहकार्यको तयारीमा पूजा र रेखा

अभिनेत्री पूजा शर्मा र रेखा थापा नेपाल फिल्म उद्योगमा चलेका नायिका हुन्। यी दुईले फिल्मी सहयात्रा गर्ने तयारी गरेका छन्। रेखा र पूजाले सँगै मिलेर फिल्म निर्माणको तयारी केहि समय अघि नै गरेका हुन्। तर उनीहरुले सहकार्य गर्ने भनेको प्रोजेक्ट नै तुहियो।

यही बिचमा पूजाले नायक अनमोल केसीसँग नयाँ फिल्म बनाउने घोषणा गरिन्। अब भने पूजा र रेखाको सहकार्य अगाडी बढ्ने भएको छ। लेखक शिवम अधिकारी र वितरक करण श्रेष्ठले रेखा र पूजासँगको तस्विर पोष्ट गर्दै रेखा र पूजाको सहकार्यको जानकारी दिएका छन्। 

आउँदो चैत्रमा फिल्म बनाउँने रेखा र पूजाको तयारी छ। अहिले फिल्मको कथा लेखनको काम भइरहको छ। ३ जना नायिकामाथि केन्द्रित रहेर निर्माण गरिने फिलम निर्देशनका लागि नाम चलेका निर्देशकलाई अफर गरिएको बताइए पनि निर्देशकको नाम भने खुलाइएको छैन्। 

फिल्मको शीर्ष भूमिकामा रेखा र पूजा नै देखिने छन्। शिर्ष भूमिकामा देखिने अर्की नायिका भने पक्का गरिएको छैन्।