सर्वनाम थिएटरको एकै प्रेक्षालयमा तीन पुस्ताका कविले कविता सुनाएका छन्। यसै साता अघिल्लो पुस्ताका दिनेश अधिकारी, मध्ये समयका श्रवण मुकारुङ र अनुज पुस्ताकी रञ्जना निरौंलाले एकै मञ्चमा कविता सुनाएका हुन्।
तीन पुस्ताका कविहरुले आफ्ना ५/५ वटा कविता सुनाएका थिए। दिनेश अधिकारीले जंगलमा वर्षा, आवाजको सौन्दर्य, घरबाट निस्केपछि, मरणको आनन्द र अन्तिम तयारी शीर्षकका कविता सुनाएका थिए।
कवि श्रवणले म्याडम गीता, डराउँछु म मृत्युसित, स–साना शब्दहरूसित, हुमान सिंह भुजेलको भैँसी प्रेम र आवाज आइपुग्ने मेघको उज्यालो शिर्षकका कविता सुनाए। कवि रञ्जनाले मेरो ईश्वर म नै हुँ, तिम्रा यादहरू, दशैँः सधैँ मेरो विपक्षी, समयः कविताको अनुभूतिमा र परिधिको आकांक्षा शीर्षकका कविता सुनाइन।
‘केही समय कविताका लागि बाँचौँ’ भन्ने नारा सहित सुरु भएको कवितामा तीन पुस्ताको यो श्रृंखला हरेक दुई महिनामा एक पटक हुने छ।
Shares
प्रतिक्रिया