युनिकोड
नेपाल स्टक एक्सचेन्ज (नेप्से) ले महिला लघुवित्तको १० लाख कित्ता साधारण सेयर (आईपीओ) सूचीकरण गरेको छ।
नेप्सेले कम्पनीको सुरुवाती कारोबारको लागि प्रतिकित्ता ३ सय १३ रुपैयाँ १६ पैसादेखि ९ सय ३९ रुपैयाँ ४८ पैसा तोकिदिएको हो।
नेप्से र कम्पनीबीच आज सूचीकरण सम्झौता भएको हो।
कम्पनीले नेपाल एसबीआई मर्चेन्ट बैंकिङ लिमिटेडमार्फत ४ लाख कित्ता साधारण सेयर सर्वसाधारणको लागि खुल्ला बिक्री आह्वान गरेको थियो। कम्पनीका संस्थापकहरुले लगानी गरेको ६ लाख कित्ता सेयर समेत गरी कम्पनीले जम्मा १० लाख कित्ता साधारण सेयर वितरण भएको थियो।
सम्झौताअनुसार भोलिदेखि सेयरबजारमा कारोबार हुनेछ।
महिला लघुवित्तको प्रधान कार्यालय बनेपा नगरपालिका १३ साँगा काभ्रेमा छ। सूचीकरणसँगै त्यसपछि दिनुपर्ने आरटीएस सेवा नेपाल एसबीआई मर्चेन्ट बैंकिङ लिमिटेड हात्तीसार काठमाडौंबाट हुनेछ।
प्रतिक्रिया