सुनको मूल्य घट्यो

अघिल्लो दिन ६ सय रुपैयाँले बढेको सुन फेरि २ सय रुपैयाँले सस्तो भएको छ।

हिजो ९० हजार ६ सयमा कारोबार भएको छापावाल सुन उक्त दरले घटेर आज ९० हजार ४ सय रुपैयाँमा झरेको हो।

त्यस्तै तेजाबी सुनको मूल्य पनि ९० हजार १ सय ५० बाट घटेर आज ८९ हजार ९ सय ५० रुपैयाँमा कारोबार भएको छ।

चाँदीको मूल्य भने आज ५ रुपैयाँ बढेको छ। चाँदी आज प्रतितोला १३ सय १५ रुपैयाँमा कारोबार भएको छ।

अन्तर्राष्ट्रिय बजारमा सुन आज प्रतिऔँस १८ सय १४ दशमलव ६३ अमेरिकी डलरमा कारोबार भएको एजेन्सीहरुले जनाएका छन्।