युनिकोड
सरकारसँग सम्झाैता गरेर रासायनिक मल नल्याउने दुई ठेकेदार कम्पनीलाई कालोसूचीमा राख्न सिफारिस भएको छ।
होनिको मल्टिपल र शैलुङ इन्टर प्राइजेजलाई कालोसूचीमा राख्न सार्वजनिक खरिद अनुगमन कार्यालय समक्ष सिफारिस गरिएको हो।
कृषि सामग्री कम्पनी लिमिटेडले आज साेमबार सार्वजनिक खरिद अनुगमन कार्यालयलाई पत्र लेख्दै कालोसूचीको लागि सिफारिस गरेको जनाएकाे छ।
यसअघि ती कम्पनीसँगको सम्झौता रद्द गरि धरौटी बापतको रकम समेत सरकारले जफत गरिसकेको छ।
यी दुवै कम्पनीले २५।२५ हजार मेट्रिकटन युरिया मल आयात गर्ने सम्झौता सरकारी निकाय (कृषि सामग्री कम्पनी लिमिटेड) सँग गरेका थिए। उक्त सम्झौत अनुसार भदौ २० गते सम्म सबै मल नेपाल भित्रिसक्नुपर्ने थियो।
कृषि तथा पशुपंक्षी विकास मन्त्री घनश्याम भुसालले उनीहरुसँगकाे ठेक्का रद्द गरी मल नल्याउने ती दुई कम्पनीलाई कारबाही गर्ने प्रतिबद्धता जनाएका थिए।
प्रतिक्रिया