प्रतितोला तीन सयले महंगियो सुन

नेपालमा सुनको मूल्य प्रतितोला ३ सय रुपैयाँ महंगो भएको छ। नेपाल सुनचाँदी व्यवसायीका अनुसार गत शुक्रबारको तुलनामा आइतबार सुनको भाउ बढेर ९७ हजार २ सय रुपैयाँ पुगेको हो।

छापावालसँगै तेजाबी सुन पनि उही दरमा बढेर आज ९६ हजार ७ सय रुपैयाँ प्रतितोला पुगेको छ। चाँदीको भाउ भने शुक्रबारकै दरमा अर्थात् प्रतितोला १३ सय ४० रुपैयाँमा कारोबार भएको छ।

भदौ लागेपछि सुनको भाउ २ र ३ गते १ लाख ४ सय रुपैयाँ प्रतितोला कारोबार भए पनि त्यसयता घटेर ९६, ९७ हजार वरिपरि नै रहेको छ।