युनिकोड
नेपाल आयल निगम भैरहवा हवाई इन्धन डिपोका चार कर्मचारीलाई कोरोना संक्रमण भएपछि डिपो सिल भएको छ। १५ दिनकालागि डिपो सिल गरिएको नेपाल आयल निगमले जानकारी गराएको छ।
लक्षण देखिएपछि निगमले गराएको परीक्षणमा चार कर्मचारीमा संक्रमण पुष्टि भएको हो। ज्वरो आउने, खोकी लाग्ने लक्षणसहित कर्मचारी बिरामी भएपछि उनीहरुको स्वाव संकलन गरेर परीक्षण गराइएको थियो।
केहिबेर अघि जनस्वास्थ्य कार्यालयबाट आएको रिपोर्टमा उनीहरुमा कोरोना भएको पुष्टि भएको निगमका एक अधिकारीले बताए। एउटै कार्यालयमा काम गर्ने थप पाँच कर्मचारीलाई पनि आसोलेसन राखिएको र संक्रमितलाई अस्पताल लैजानेबारे छलफल भइरहेको निगमले जनाकारी दिएको छ।
प्रतिक्रिया