सुनको भाउ प्रतितोला ९ सय रुपैयाँले सस्तो, चाँदी महंगियाे

गत शुक्रबार प्रतितोला १ लाख ३ हजार ५ सय रुपैयाँमा कारोबार भएको सुनको भाउ आज ९ सय रुपैयाँ सस्तो भएको छ।

नेपाल सुनचाँदी व्यवसायी महासंघका अनुसार आज आइतबार छापावाल सुन प्रतितोला १ लाख २ हजार ६ सय रुपैयाँ तथा तेजाबी सुन १ लाख २ हजार १ सय रुपैयाँमा कारोबार भएको छ।

त्यस्तै शुक्रबार १ हजार ४ सय ५ रुपैयाँ प्रतितोलामा कारोबार भएको चाँदी भने आज ५ रुपैयाँ बढेको छ। आज १ हजार ४ सय १० रुपैयाँमा कारोबार भएको छ।