एक लाख कटेपछि पनि रोकिएन सुनको मूल्य, आज १ हजार बढ्यो

पछिल्लो समय निरन्तर सुनचाँदीको मूल्य बढिरहेको छ। नेपाली बजारमा प्रतितोला सुन १ लाख कटेपछि पनि रोकिएको छैन।

आज पनि छापावाला सुन प्रतितोला १ हजार रुपैयाँले बढेको छ।

बिहीबार १ लाख २ हजार ५ सय रुपैयाँमा कारोबार भएको सुन शुक्रबार १ लाख ३ हजार ५ सय रुपैयाँ कायम भएको सुनचाँदी व्यवसायी महासंघले जानकारी दिएको छ। साथै चाँदी प्रतितोला १ हजार ४ सय ५ रुपैयाँ कायम भएको छ।