२१ अंकले बढ्यो सेयरबजार

सेयरबजारमा आज दोहोरो अंकको वृद्धि भएको छ। 

नेपाल स्टक एक्सचेन्ज (नेप्से)का अनुसार सूचक २१.६२ अंकले बढेर २६३८.६० विन्दुमा चढेको छ। 

यस दिन ९३ लाख कित्ता किनबेचपछि कुल ४ अर्ब २३ करोडको कारोबार भएको छ। 

यो कारोबारमा २१३ वटा सेयरको मूल्य बढेको छ भने ४२ वटाको घटेको र ६ वटाको पुरानै मूल्यमा किनबेच भएको छ। 

मंगलबार साल्पा विकास बैंकको १० प्रतिशतले बढेको छ। यसबाहेक रिलायन्स स्पिनिङ मिल्स, हिमालयन पावर पार्टनर, सागर डिस्टिलरी, बन्दीपुर केवलकारलगायतको अधिकतम ९.३१ प्रतिशतसम्मले बढेका छन्। ्

गिरावट आउनेमा नेपाल एसबीआई बैंकको ३.५८ प्रतिशतले घटेको छ। यो नै आजको सर्वाधिक गिरावट हो। कारोबारमा आज एसवाई प्यानल अगाडि छ। कम्पनीको ३७ करोडको कारोबार भएको हो।