निर्माण व्यवसायीदेखि अमेरिका–यूएईसम्मका कम्पनीले सरकारलाई तिरेनन् पैसा, कसको कति? (सूची)

नेपालमा निर्माण व्यवसायीदेखि अमेरिका–यूएईसम्मका कम्पनीले सरकारलाई पैसा नतिरेको भन्दै कुमारीचोक तथा केन्द्रीय तहसिल कार्यालयले उनीहरुको विस्तृत विवरण सार्वजनिक गरेको छ। 

महालेखा नियन्त्रक अन्तर्गतको कार्यालयले ५२ व्यक्त–संस्था–कम्पनीको नाम र तिर्न बाँकी रकम सार्वजनिक गरेको हो। 

यसमा अधिकांश व्यवसायीहरु छन्। कार्यालयका अनुसार मुकुन्द प्रसाद गौतम÷एमएम कन्स्ट्रक्सन कम्पनी (काभ्रे)ले १ करोड २५ लाख २ हजार, ३ लाख ५ हजार र २ करोड ८८ लाख २२ हजार ४ सय ३४ रुपैयाँ तिर्न बाँकी रहेको कार्यालयले जनाएको छ। 

त्यसैगरी तीन विदेशी कम्पनीले पनि पैसा तिरेका छैनन्। तिनीहरुमा टेक्साना रिसोर्सेस कम्पनी (अमेरिका)ले २० करोड २१ लाख ८२ हजार ५ सय ८३ रुपैयाँ, इमिरेट्स एसोसिएटेट बिजनेस ग्रुप (यूएई)ले ४ करोड ८ लाख १० हजार ६ सय ४९ रुपैयाँ र बीबीबी च्याम्पियन्स आयल कम्पनी (अमेरिका)ले २ करोड २२ लाख ७९ हजार ४ सय ६१ रुपैयाँ तिर्न बाँकी छ। 

कार्यालयले सूचनामार्फत ३५ दिनभित्र तिर्न बाँकी रकम (सावाँ र ब्याजसहित) बुझाई फरफारक गर्न अनुरोध गरेको छ। सूचनालाई बेवास्ता गरे उनीहरुको चल अचल सम्पत्ति दाबी गरी कानुनअनुसार असुलउपर गर्ने कार्यालयले जनाएको छ। 

हेर्नुहोस् कसले कति छ तिर्न बाँकी?