बागमति प्रदेशमा उद्योग परिसंघको सहयोग

नेपाल उद्योग परिसंघले कोरोना भाइरस संक्रमणका कारण उत्पन्न विषम परिस्थितिमा सहयोग गर्ने उद्देश्यले बागमति प्रदेशमा खाद्यान्न लगायतका सामग्री प्रदान गरेको छ।

शनिबार बागमति प्रदेश उद्योग परिसंघका संयोजक ऋषिराम घिमिरेले बागमति प्रदशका मुख्यमन्त्री डोरमणि पौडेललाई राहत सामग्री उपलब्ध गराएको जनाइएको छ।

दाल, चामल, नुन, तेललगायत अन्य अत्यावश्यकीय सामग्री रहेको १ हजार थान प्याकेट हस्तान्तरण गरिएको परिसंघले जनाएको छ।

परिसंघका अनुसार नेपालका सबै प्रदेशलगायत काठमाडौं, ललितपुर तथा भक्तपुरका विभिन्न स्थानमा यस्ता राहत सामग्रीहरु उपलब्ध गराइएको हो।