युनिकोड
विश्व बैंकले नेपाललाई तेस्रो पुल सुधार तथा मर्मत कार्यक्रमका लागि २० अर्ब ५० करोड रुपैयाँ बराबरको वित्तीय सेवा उपलब्ध गराउने भएको छ।
शुक्रबार बसेको बैंक सञ्चालक समितिको बैठकले नेपाललाई दिने १ सय ५० मिलियन अमेरिकी डलर (२० अर्ब ५० करोड रुपैयाँ) बराबरको वित्तीय सहयाता प्याकेज स्वीकृत गरेको हो।
उक्त रकम नेपालको रणनीतिक सडक सञ्जाल निर्माण भएका पुल निर्माण तथा मर्मतसम्भार र स्तरोन्नतिका लागि खर्च गर्ने गरी विश्व बैंकले सहयाता उपलब्ध गराएको जनाएको छ।
नेपालको पुल प्रणालीले दुर्गम र सहरी क्षेत्रको स्वास्थ, शिक्षा, जीवनशैली तथा आर्थिक अवसर सिर्जना गर्न महत्त्वपूर्ण भूमिका खेल्ने पुल सबलीकरणमा जोड दिने उल्लेख गरिएको छ।
बाढी, पहिरो र भूकम्पलगायत प्राकृतिक एवं जलवायुजन्य जोखिमले पुलजस्ता पूर्वाधारमा गम्भीर असर गर्ने भएकाले तिनको सबलीकरणका निम्ति वित्तीय सहयोगको प्याकेज स्वीकृत गरिएको विज्ञप्तीमा उल्लेख छ।
प्रतिक्रिया