युनिकोड
कोभिड–१९ बाट हुन सक्ने सम्भावित संक्रमणलाई ध्यानमा राखी चन्द्रागिरि केबलकार बन्द गरिएको छ।
चन्द्रागिरि हिल्स लिमिटेडले विश्वमा फैलिएको कोभिड–१९ को सङ्क्रमण नेपालमा पनि हुन सक्ने भन्दै आजदेखि चन्द्रागिरि केबलकार र रिसोर्ट बन्द गर्ने निर्णय गरेको हो।
हिल्सका महाप्रबन्धक अभिषेकविक्रम शाहले सरकारको नीति र निर्देशन पालनाका साथै रोग फैलन सजग हुनुपर्ने भएकाले तत्कालका लागि केवलकार र रिसोर्ट बन्द गर्ने निर्णय गरेको जानकारी दिए।
‘सरकारको निर्णय र निर्देशनअनुसार अति आवश्यक सेवाबाहेकका अन्य सेवा बन्द गर्ने निर्णयबमोजिम अर्को सूचना नआएसम्मका लागि केबलकार र रिसोर्ट बन्द गर्ने निर्णय गरेका छौँ’, उनले भने।
हिल्सले कोरोनाको संक्रममणबाट जोगिनका लागि सम्पूर्ण जनतालाई आग्रहसमेत गरेको छ। रासस
प्रतिक्रिया