सुनको मूल्य प्रतितोला एक हजार ८ सय रुपैयाँले घटेको छ।
नेपाल सुनचाँदी व्यवसायी महासंघका अनुसार आज छापावाल सुन १ लाख ३८ हजार ७ सय र तेजाबी सुन १ लाख ३८ हजार ५० रुपैयाँमा कारोबार भएको छ।
तेजाबी सुन १ हजार ७ सय ५० रुपैयाँले सस्तो भएको हो।
यता चाँदी पनि आज ह्वात्तै घटेर १ हजार ८ सय ६५ रुपैयाँमा कारोबार भएको छ।
अघिल्लो दिन छापावाल सुन १ लाख ४० हजार ५ सय, तेजाबी सुन १ लाख ३९ हजार ८ सय र चाँदी १ हजार ९ सय रुपैयाँमा कारोबार भएको थियो।
अन्तर्राष्ट्रिय बजारमा पनि सुनको मूल्य घटेर प्रतिऔँस २ हजार ३ सय ५९ अमेरिकी डलर र चाँदी ३० प्रतिऔँस डलरमा कारोबार भएको छ।
2.7k
Shares
प्रतिक्रिया