युनिकोड
तारा एयर र यति एयरलाइन्सले नयाँ जहाज ल्याउने भएका छन्। यति एयरलाइन्सले एटीआर ७२ र ताराले ट्विन अटर विमान ल्याउनलागेका हुन्।
यति ग्रुपका भीमराज राईले तारा एयरले जहाज खरिद प्रक्रियामा गइसकेको र यतिले पनि छिट्टै ल्याउने योजना रहेको बताए। यति र तारा यति ग्रुपअन्तर्गत सञ्चालित कम्पनी हुन्।
उनले जुन ठाउँमा यात्रुको माग बढी हुन्छ, त्यो ठाउँमा जहाज थप गर्ने बताए।
राईले आन्तरिक उडानलाई अझ मजबुत बनाई सेवामुखी एयरलाइन्स बनाउँदै जाने बताए ।
यति एयरलाइन्सले काठमाडौं, भैरहवा, पोखरा, जनकपुर, भरतपुर, नेपालगञ्ज, तुम्लिङ्टार, भद्रपुर, विराटनगरमा उडान भर्दै आएको छ ।
त्यस्तै तारा एयरले नेपालको दुर्गम भागमा उडान गर्ने गर्छ । जसमा लुक्ला, सिमिकोट, जोमसोम, डोल्पा, लामीडाँडा, ताप्लेजुङ लगायतको क्षेत्रमा उडान भर्दै आएको छ।
ताराले हाल ४ वटा ट्विनअटर र २ वटा डोर्नियरमार्फत उडान भर्दै आएको छ।
प्रतिक्रिया