युनिकोड
नेपाल राष्ट्र बैंकका गभर्नर महाप्रसाद अधिकारीले रियल स्टेट व्यवसाय गर्नेलाई राहत दिने गरी जोखिम भार घटाउने बताएका छन्।
आइतबार मौद्रिक नीति सार्वजनिक गरेपछिको पत्रकार सम्मेलनमा गभर्नर अधिकारीले तर सबै रियल स्टेटको जोखिम भार कम गर्न नखोजेको बताएका छन्।
‘व्यवसायिक रुपमा रियल स्टेटको कारोबार गर्नेलाई १५० बाट १०० प्रतिशतमा जोखिमभार झार्ने भनिएको हो,’ अधिकारीले भने,‘सबै क्षेत्रका घरजग्गालाई १५० प्रतिशतमा झार्ने भनेको होइन।’
यसबारेमा छिट्टै नै सार्वजनिक हुने नयाँ आर्थिक वर्षको सर्कुलरमा थप कुरा स्पष्ट भएर आउने अधिकारीले जानकारी दिए।
राष्ट्र बैंकले चालु आर्थिक वर्षको मौद्रिक नीतिमा आवासीय कर्जामा १ करोड ५० लाखसम्मको सीमालाई २ करोड रुपैयाँसम्म पुर्याउने जनाएको छ।
प्रतिक्रिया