ad ad

कारोबार


खानी विभागका महानिर्देशकसहित सिमेन्ट उद्योगीले विशेष अदालतबाट पाए सफाइ

खानी विभागका महानिर्देशकसहित सिमेन्ट उद्योगीले विशेष अदालतबाट पाए सफाइ

नेपालखबर
चैत ३, २०७९ शुक्रबार १८:३६, काठमाडौँ

खानी विभागका तत्कालीन महानिर्देशकसहित सिमेन्ट उद्योगीले सफाइ पाएका छन्। अख्तियार दुरुपयोग अनुसन्धान आयोगले खानी उत्खननमा राजस्व चुहावट गरेको आरोपमा २७ जनाविरुद्ध मुद्दा दायर गरेको थियो। 

शुक्रबार विशेष अदालतका न्यायाधीश रमेशकुमार पोखरेल, बलभद्र बास्तोला र डा.  खुशी प्रसाद थारुको संयुक्त इजलासले विभागका कर्मचारीसहित सबै उद्योगीलाई मागदाबी नपुगेको भन्दै सफाइ दिएको हो। 
 
२०७८ माघमा अख्तियार दुरूपयोग अनुसन्धान आयोगले एक अर्ब २४ करोड ३५ लाख २६ हजार ६४३ बराबरको राजस्व चुहावट गरेर भ्रष्टाचार गरेको आरोपमा मुद्दा दायर गरेको थियो। 

मुद्दा दायर भएकामा भू–गर्भ विभागका तत्कालीन महानिर्देशक राम  प्रसाद घिमिरे, सुपरिनटेन्डेन्ट माइनिङ इन्जिनियर जयराज घिमिरे, कानुन उपसचिव सपना अधिकारी, उपन्यायाधिवक्ता चन्द्रकुमार पोखरेल, सिनियर डिभिजनल मेकानिकल इञ्जिनियर प्रशान्त बोहरा, सिनियर जिओलोजिस्ट धर्मराज खड्का, लेखा अधिकृत भद्र गौतम, रिसर्च अधिकृत वसन्त अधिकारी र जिओलोजिष्ट डा. सौनक भण्डारी रहेका थिए। 

खानी तथा चुनढुंगा दोहनमा सञ्चालकसँग मिलेमतो गरी सरकारी राजस्व हिनामिना गरेको उनीहरूमाथि आरोप छ। यसैगरी, ९ वटा सिमेन्ट तथा खानी उद्योगका ९ जना सञ्चालकविरुद्ध पनि अख्तियारले मुद्दा दायर गरेको थियो। 
 

जसमा सर्वोत्तम सिमेन्टका प्रबन्धसञ्चालक विष्णुप्रसाद न्यौपाने, सिद्धार्थ मिनरल्स प्रालिका पशुपति मुरारका, मारुती सिमेन्टका शरद गोयल, अन्नपूर्ण कोएरिज प्रालिका ऋषि अग्रवाल, उदयपुर मिनरल्स टेक प्रवलजंग पाण्डे, युनाइटेड सिमेन्ट प्रालिका नरेश दुगढ, सोनापुर मिनरल्स प्रालिका निपेश टायल, कञ्चल कोयरिज प्रालिका भीमबहादुर थापा क्षेत्री र दोलोमाइट चुनढुंगा प्रालिका सञ्चालक मानबहादुर श्रेष्ठविरूद्ध भ्रष्टाचार मुद्दा दायर भएको थियो।

उक्त फैसलासँगै नेपाल उद्योग वाणिज्य महासंघका पूर्वअध्यक्ष तथा अर्घाखाँची सिमेन्टका सञ्चालक पशुपति मुरारकाले अदालतले न्याय दिएको बताए। 

उनले भने, ‘व्यवसायीले गल्ती गर्दा क्षतिपूर्ति माग गर्न पाइन्छ तर कानुनबाहिर गएर भ्रष्टाचारको मुद्दा लगाउन पाइँदैन। कानुनअनुसार व्यवसायीले अदालतबाट न्याय पाएका छन्।’ 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .