युनिकोड
सेयरबजारमा बिहीबार गिरावट आएको छ।
बजार परिसूचक नेप्से ४१.०२ अंकले घटेर २१४९.४१ विन्दुमा आइपुगेको हो।
योसँगै बजारमा ५ अर्ब ४७ करोड रुपैयाँको सेयर किनबेच भएको नेपाल स्टक एक्सचेन्जले जनाएको छ। यसअनुसार २५२ कम्पनीको १ करोड ४४ लाख कित्ता सेयर बिक्री भएको हो।
साताको अन्तिम कारोबार दिन २१ कम्पनीको सेयर मूल्य बढे पनि १८४ कम्पनीको सेयर मूल्य घटेको छ।
४ कम्पनीका लगानीकर्ताले १० प्रतिशत कमाए
आजको कारोबारमा चारवटा कम्पनीको सेयर मूल्य उच्च दरमा बढेको छ। कुमारी धनवृद्धि योजना, सिंगटी हाइड्रो, वाराही हाइड्रो र एनआईबीएल समृद्धि फन्ड २ का लगानीकर्ताले १० प्रतिशत आम्दानी गरेका छन्।
आज लगानीकर्ताहरुले ९.१८ प्रतिशतसम्म गुमाएका छन्। बिहीबार शिवम् सिमेन्टको सर्वाधिक सेयर कारोबार भएको छ। कम्पनीको २२ करोड २० लाखको सेयर कारोबार भएको हो।
प्रतिक्रिया