श्रमिक ज्याला मासिक कम्तीमा २५ हजार पुर्‍याउने एमालेको चुनावी वाचा

नेकपा एमालेले श्रमिकहरुको न्यूनतम ज्याला मासिक २५ हजार पुर्‍याउने घोषणा गरेको छ। 

औपचारिक क्षेत्रका सबै र अनौपचारिक क्षेत्रका ७५ प्रतिशत श्रमिकहरु योगदानमा आधारित सामाजिक सुरक्षाको दायरामा समेटिने प्रतिबद्धता जनाएको छ। 

रोजगार सूचना केन्द्रलाई थप प्रभावकारी बनाउँदै बेरोजगारी अवस्थाको तथ्यांक संकलन र सूचना प्रणाली विकास गरिने उल्लेख गरेको छ। 

श्रम गर्न सक्नेलाई प्रधानमन्त्री रोजगार कार्यक्रममा आबद्ध गरी न्यूनतम ६ महिनाको रोजगारी उपलब्ध गराउने प्रतिबद्धता जनाएको छ।