अवकाश कोषको बचतमा डेढ प्रतिशत थप प्रतिफल

नागरिक लगानी कोषले कर्मचारी बचत वृद्धि स्वीकृत अवकाश कोष कार्यक्रमका करिब २ लाख ९८ हजार सहभागीहरुलाई थप प्रतिफल दिने भएको छ। 

कोषको आर्थिक वर्ष २०७७/०७८ सम्मको मुनाफाबाट १ दशमलव ५ प्रतिशत थप प्रतिफल दिइने भएको हो। कोष सञ्चालक समितिको यही असार ११ गते बसेको बैठकले उक्त निर्णय गरेको हो। 

२०७८ असार मसान्तसम्मको बचत रकममा सञ्चित मुनाफाबाट एक दशमलव ५ प्रतिशतका दरले थप प्रतिफल दिँदा सहभागीहरुको खातामा कुल रकम १ अर्ब ७४ करोड रुपैयाँ जम्मा हुनेछ। 

कोषका अनुसार प्रतिफलबाट प्राप्त रकम कोषमा रहेको सहभागीहरुको खातामा जम्मा गर्ने व्यवस्था कोषले गरिसकेको छ।