अन्तरबैंक भुक्तानी प्रणालीको समय सीमा बढ्याे, अब एकै दिनमा चेक क्लियरिङ

दसैंलाई आर्थिक कारोबार बढी हुने समय मानिन्छ। हरेक वर्ष दसैंमा अन्तरबैंक क्लियरिङको चाप बढ्छ। यसैलाई विचार गरेर नेपाल क्लियरिङ हाउस लिमिटेडले सेवा बढाएकाे छ।

क्लियरिङ हाउसद्वारा सञ्चालित एनसीएचएल आईपीएसबाट हुने अन्तरबैंक भुक्तानी प्रणालीको समय सीमा वृद्धि गरिएको हाे।

आजैदेखि एनसीएचएल आईपीएस प्रणालीमा बिहान ९ बजेदेखि दिउँसाे ३ बजेसम्म (आइतबारदेखि बिहीबारसम्म नेपाली र सोमबारदेखि बिहीबारसम्म विदेशी मुद्रा) प्राप्त भएका भुक्तानी आदेश सोही दिन फर्छ्याेट हुने व्यवस्था लागू गरिएकाे कम्पनीले जनाएको छ।

यसभन्दा अघिसम्म बिहान १० बजेदेखि दिउँसाे १ बजेसम्म प्राप्त भुक्तानी आदेश मात्र त्यही दिन फर्छ्याेट हुने गरेको थियो। समय सीमा वृद्धिसँगै प्रणालीमा आएका कारोबार अर्को दिन फर्छ्याेट हुने व्यवस्था यथावत् रहनेछ।

त्यसैगरी दिउँसाे ३ः३० बजेसम्म प्राप्त बैंकको आफ्नो ट्रेजरी पेमेन्टसम्बन्धी भुक्तानी आदेश सोही दिन फर्छ्याेट हुने व्यवस्था गरिएको कम्पनीले जनाएको छ।