चिनिया कार निर्माता कम्पनी बीवाईडीको विद्युतीय कार एम ३ नेपाली बजारमा आउने भएको छ। कम्पनीको लागि नेपालको अधिकृत बिक्रेता सिमेक्स इंकले बीवाईडीको विद्युतीय कार छिट्टै बजारमा सार्वजनिक गर्ने तयारी गरेकाे छ।
यस वर्षकाे नाडा अटाे शाेमा यी कार पनि ग्राहकका मुख्य आकर्षण हुने कम्पनीकाे दाबी छ।
बजारमा इलेक्ट्रिक कारहरुको माग वृद्धि भएसँगै कम्पनीले इलेक्ट्रिक गाडीहरु उत्पादनको संख्यामा पनि वृद्धि गरेको बताएको छ।
नेपालमा अहिले बीवाईडीका कारहरु प्रयोग गर्दै आएका छन्। अटो शोमा ई–६ र एम–३ सार्वजनिक हुनलागेका हुन्।
बीवाईडीको विद्युतीय कार एम ३ मा एकपटक चार्ज गरिसकेपछि ३५० किलोमिटर र यसले करिब १३० किलोमिटर प्रतिघण्टा गति दिनसक्ने कम्पनीले बताएको छ। यसको मूल्य नेपाली बजारमा ५२ लाख रुपैयाँ रहेको छ।
कम्पनीका एम३ कारहरू १ सय २० वटा बुकिङ भइसकेका छन्।
प्रतिक्रिया