युनिकोड
काठमाडौँ उपत्यकाको न्यूनतम तापक्रम हिजो (मंगलबार) को तुलनामा आज (बुधबार) थोरै बढेको छ।
मौसम पूर्वानुमान महाशाखाले नेपालखबरलाई दिएको जानकारीअनुसार आज बिहान ५:४५ बजेको मापनमा काठमाडौँ उपत्यकाको न्यूनतम तापक्रम ९.४ डिग्री सेल्सियस देखिएको हो।
यसअघि हिजो सोही समयमा उपत्यकाको न्यूनतम तापक्रम ८.९ डिग्री सेल्सियस थियो भने पछि बिहान ८:४५ बजे थप घटेर ८.५ डिग्री सेल्सियस कायम भएको थियो।
आजको आधिकारिक न्यूनतम तापक्रम पनि अहिले बिहान ८:४५ बजे अपडेट गरिनेछ। त्यतिबेला न्यूनतम तापक्रम थप घट्ने सम्भावना हुन्छ।
मौसमविद्का अनुसार राति आकाशमा बादल लाग्यो भने बिहान न्यूनतम तापक्रम थोरै बढ्छ भने रातभर आकाश सफा रह्यो भने बिहान न्यूनतम तापक्रम घट्छ।
मौसम महाशाखाले हरेक दिन काठमाडौँसहित देशका विभिन्न स्थानको न्यूनतम र अधिकतम दुईथरी तापक्रम मापन गर्छ।
मौसमविद्का अनुसार न्यूनतम बिहान ८:४५ बजे मापन हुन्छ भने अधिकतम साँझ ५:४५ बजे मापन गरिन्छ।
हिजो मंसिर २ गते यस्तो थियो तापक्रम विवरण:
स्रोत : मौसम पूर्वानुमान महाशाखा
प्रतिक्रिया